Umhverfisveikindi
Umhverfisveikindi
Skrá mig!
34.900 kr.
Um Lindu
Hæ ég heiti Linda!
Síðan ég man eftir mér þá hef ég haft áhuga á heilsu, matarræði og andlegri heilsu, Það var þó ekki fyrr en ég missti sjálf heilsuna að ég áttaði mig almennilega á því hvað það skiptir ótrúlega miklu máli að vinna með alla þessa þætti saman til þess að eiga möguleika á að ná heilsunni aftur til baka. Mín veikindi hafa gert mig að manneskjunni og meðferðaraðilanum sem ég er í dag.
Ég stofnaði Endurheimt og þróaði námskeiðið Endurheimtu orkuna með þá von að getað hvatt aðra og leiðbeint í átt að bættri heilsu.
Ég útskrifaðist sem sjúkraþjálfari árið 2008 og á undanförnum árum hef ég sótt fjöldann allan af námskeiðum og ráðstefnum um allan heim. Nú stunda ég diploma nám í Functional Medicine e við Functional Medicine University í Bandaríkjunum. Í því námi er einmitt lögð áhersla á að hjálpa fólki að finna rót vandans og vinna að heildrænni meðferð í átt að bættri heilsu.
Sagan mín
Ég er tveggja barna móðir og bý í Hafnarfirði með manninum mínum. Ég hef alla tíð haft brennandi áhuga á öllu sem viðkemur heilsu og matarræði. Ég æfði mikið sem barn, allskonar íþróttir og var alltaf ágæt í öllu en entist aldrei í neinu einu – sem í rauninni skiptir ekki máli því fyrir mig er hreyfing lífið en áherslan var aldrei að verða afrekskona í einhverri einni íþrótt.
Ég hef alltaf haft þörf á að vinna með fólki, mér finnst gaman að tala við fólk og hlusta og fólk hefur alltaf leitað til mín með sín vandamál. 2002 lærði ég einkaþjáfarann og fannst frábært að getað hjálpað fólki að ná sínum markmiðum en ég fann það fljótt að mig þyrsti í meiri þekkingu um mannslíkamann og skráði mig í nám í sjúkraþjálfun. Þegar ég hafði starfað sem sjúkraþjálfari í nokkra mánuði fann ég að þetta var ekki alveg það sem ég hafði haft í huga – mér fannst vanta heildrænni nálgun í meðferðina. Stuttu eftir útskrift var ég strax farin að vinna hálfgerða “færibanda” vinnu og mér líkaði það ekki.
Ég var svoldið leitandi, lærði heilun, dáleiðslu og Höfuðbeina og spjaldhryggjarmeðferð. Ég fann það strax að þar var ég komin inn á línu sem ég gat sætt mig við að vinna með – heildræn nálgun þar sem horft er á líkama og sál sem eina heild.
Ég vann í mörg ár samhvæmt þessari nágun og líkaði vel en þegar ég sjálf missti heilsuna 2014 þá fór ég að lesa mér enþá meira til um hvað matarræðið og afeitrun líkamans hefur gríðarlega mikið að segja til þess að ná heilsunni aftur í gott horf. Ég fór að horfa meira til þátta í umhverfinu sem hafa áhrif á heilsuna, hvað ber að varast og hvað við getum sjálf gert til að hafa jákvæð áhrif á heilsuna okkar. Ég hef loksins fundið nám sem tekur á öllum þessum þáttum og kallast það Functional Medicine.
Functional Medicine meðferðaraðili hjálpar fólki að finna mögulega rót vandans en ekki plástra á einkennin. Ef við finnum út hvað er að valda breytingum á t.d hormónakerfinu, hvað er að valda exeminu eða heilaþokunni þá fyrst er hægt að laga orsökina og losna við einkennin.
Ég hef ótrúlega gaman að því að læra meira og meira um okkar frábæra líkama og hvernig öll kerfin okkar vinna saman. Ef eitt kerfi vinnur ekki rétt þá hefur það áhrif á allan líkamann. Við getum hugsað þetta eins og mörg tannhjól sem vinna saman – ef eitt bilar þá hætta hin tannhjólin að virka líka.
Ég er ótrúlega spennt og þakklát fyrir vinnuna mína og get í einlagni sagt að ég er heppin að vinna við mitt helsta áhugamál.
Endurheimt eftir umhverfisveikindi (mygla)
- Hefur þú unnið eða búið í rakaskemmdu og mygluðu húsnæði?
- Ert þú að glýma við heilsubrest eftir viðveruna?
- Færðu ekki hlustun eða skilning frá þínum nánustu/vinnuveitanda eða lækni?
- Vilt þú fá ráðleggingar, valdeflingu og ráð til að endurheimta orkuna þína aftur?
Námskeiðið er 4 skipti þar sem lögð er áhersla á fræðslu, valdeflingu og kenndar eru leiðir til að róa taugakerfið.
Hefst: 21 ágúst
Vikudagar: þriðjudagar
Klukkan:
12:30– 13:50
19:30 – 20:50
Hámark 10 komast að í hvern hóp.
Tímarnir fara svona fram:
- 20 mín fræðsla í hverjum tíma (streita, svefn, umhverfið og fleira) – öll fræðsla er einnig aðgengileg í formi fyrirlestra á appi.
- Streitulosandi hreyfing, flæðisæfingar, bandvefslosun með bolta, öndunaræfingar
- Leidd slökun í lok hvers tíma
Endurheimt eftir umhverfisveikindi app aðgangur fylgir þessu námskeiði þar sem er að finna ýtarlegar leiðbeiningar og ráðleggingar.
Kennarar:
Linda Gunnarsdóttir sjúkraþjálfari hefur mun halda utan um hópinn. Linda veiktist sjálf eftir viðveru í rakaskemmdu húsnæði, hún þróaði þetta námskeið eftir að hafa sjálf fundið leið til bættrar heilsu og miðlar nú áfram þekkingu sinni. Linda hefur sl 22 ár unnið að því að efla heilsu fólks en sl ár hefur hún bætt við sig þekkingu á Functional Medicine við University of Functional Medicine.
Una Emilsdóttir læknir, Una hefur alla tíð haft mikinn áhuga á hvernig við getum haft áhrif á heilsu okkar með lifnaðarháttum, hún stundar nú sérnám í umhverfislæknisfræði. Una veitir þátttakendum innsýn í sýna vitnesku.
Guðfinna Halldórsdóttir heilbrigðisverkfæðingur og eiganda Heilsubarsins. Guðfinna hefur alla tíð haft áhuga á heilsu og eftir að hafa sjálf veikst vegna viðveru í rakaskemmdu húsnæði og náð bata þá hefur hennar vinna sl ár snúið að því að efla heilsu Íslendinga með góðum heilsuvenjum og hágæða bætiefnum. Guðfinna mun veita bætiefna ráðgjöf á námskeiðinu og fá þátttakendur sértök kjör á Heilsubarnum (ath að bætiefni eru ekki innifalin í námskeiðs gjaldi).
Fræðslan á námskeiðinu er unnin upp frá fræðum Dr. Margaret Christensen, Dr. Jill Charnahan, Dr. Neil Nathan, Dr.Andrew Heyman, Susan McCamish, Pernille Thomsen ásamt fjölda rannsókna sem komið hafa út sl ár.
Námskeiðið fer fram í Endurheimt Heilsumiðstöð sem er fyrsta og eina heilsumiðstöðiná Íslandi sem er staðsett í umhverfisvottuðu húsnæði. Við erum meðvituð um umhverfið okkar og takmörkum efnanotkun á staðnum.
Við biðjum þátttakendur að mæta ilmefnalausir (ekki með ilmvatn, krem, svitalyktaeyði, lykt frá þvottaefni eða mýkingarefni osfrv.).
Einnig óskum við eftir að einstaklingar sem eru ekki komnir í heilnæmt húsnæði bíði með að hefja þátttöku í þessum hópi og leiti frekar í einstaklings ráðgjöf hjá Lindu.
Þátttökugjald er 34.900kr -ásamt því er notuð beiðni í sjúkraþjálfun fyrir hóptímunum.
Athugaðu að flest stéttarfélög endurgreiða þátttökugjald.
Innifalið í námskeiði:
- Aðgangur að Endurheimt eftir umhverfisveikindi app
- 4x kort í infra rauðan hjúp eða infra rauðan sauna klefa , sem hægt er að nýta á námskeiðs tímanum. (verðmæti 18.000kr)
- Sérkjör af bætiefnum hjá Heilsubarnum (bætiefna ráðgjöf hjá Guðfinnu ef þörf þykir)
- Tilboð á 8 tíma korti í Vacumed – sogæðameðferð – verð 15.800kr (fullt verð 38.000kr)
Hér er hægt að sjá myndband af fræðslu appinu sem fylgir námskeiðinu.
Skráning hér fyrir neðan.
Skrá mig í hóp
