Hjá mér færðu 100% stuðning, ég hringi í þig vikulega og við förum yfir stöðuna, suma dagana þarftu kannski smá pepp á meðan aðra vikuna þá gætum við þurft að gera breytingar á æfingaráætluninni þinni. Það er frábært aðhald að vita að það er einhver sem fylgist vel með manni.  Ég hjálpa þér að setja inn góðar venjur og passa upp á að þú náir þínum markmiðum.

Námskeiðið Endurheimtu Orkuna er fyrir alla þá sem vilja komast út úr vítahring streitunnar og bæta líkamlega og andlega heilsu. Námskeiðið er 8 vikur með möguleika á framhaldi.

Unnið er markvisst að því að setja góðar venjur inn í líf þitt svo að þú verðir meðvitaðri um alla þá þætti sem þarf að huga að þegar heilsan er sett í fyrsta sætið.

Ég legg mikla áherslu á persónulega og einstaklingsmiða nálgun. Í upphafi námskeiðs er viðtal við mig þar sem farið er yfir heilsufarsspurningalista þar sem þú segir mér frá þínum markmiðum og hindrunum. Ég leitast svo eftir því að móta námskeiðið sem best að þínum þörfum og væntingum.

Þátttakendur fá aðgang að smáforriti (appi) með einstaklingsmiðaðri æfingaráætlun sem auðvelt er að fylgja. Þar hef ég valið réttu æfingarnar fyrir þig og þín markmið. Smáforritið er einfalt í notkun og heldur vel utan um þínar æfingar og þinn árangur. Þú getur æft hvar sem hentar þér best, heima eða í æfingarstöð. Engin þörf er á því að fjárfesta í æfingarbúnaði ef þú kýst að æfa heima. Þú velur hvaða daga það hentar þér að æfa og hversu oft í viku.

Þú færð aðgang að innra neti þar sem daglegur stuðningur er veittur með verkefnum og fræðslu. Ég legg áherslu á að veita góða fræðslu um heilnæmt matarræði, bólguástand sem getur myndast í líkamanum, svefnvenjur, umhverfisþætti sem hafa skaðleg áhrif á heilsuna, líkamsstöðu og hvernig styrkja má taugakerfið með öndunaræfingum.

Þú færð einnig aðgang að Endurheimtu orkuna samfélaginu á Facebook þar sem við deilum reynslu okkar, uppskriftum og góðum ráðum.

Stór partur af námskeiðinu flest í því að vera á hreinu matarræði í 24. daga til þess að gefa líkamanum tækifæri á að hreinsa sig. Ég leiði þig áfram skref fyrir skref með fræðslumyndböndum, uppskriftabókum, vikumatseðli með innkaupalista, fræðslu molum og öllum þeim upplýsingum sem þú þarft á að halda.

Þegar kerfið okkar er veikt þá nær líkaminn ekki að frásoga næringarefni eins vel úr fæðunni og því getur verið nauðsynlegt að bæta við vítamínum og bætiefnum um tíma. Ég get leiðbeint með val á réttum bætiefnum þegar við á.

• Hvað er að valda mér streitu?
• Hreint matarræði og meltingavandamál
• Bólgu og sjálfsónæmissjúkdómar sem hafa áhrif á líkamann
• Svefnvenjur og mikilvægi þeirra
• Líkamsstaða og rétt líkamsbeiting
• Hvernig best er að stunda æfingar- finna sín mörk og setja sér raunhæft markmið
• Umhverfisþættir sem hafa áhrif á heilsuna
• Máttur hugans – jákvæð nálgun á lífið og innsýn í hugleiðslu

Hugleiðsla er frábært leið til að öðlast innri ró, minnka streitu og auka vellíðan. Ég býð upp á opinn hugleiðslutíma alla föstudaga kl. 11:00. Eftir tímann býð ég upp á lífrænt te og hreint súkkulaði. Þar gefst frábært tækifæri til að hitta mig og aðra sem eru á námskeiðum hjá mér, bera saman bækur og miðla upplýsingum.