Umhverfisveikindi
Umhverfisveikindi
9.900 kr.
Um Lindu
Hæ ég heiti Linda!
Síðan ég man eftir mér þá hef ég haft áhuga á heilsu, matarræði og andlegri heilsu, Það var þó ekki fyrr en ég missti sjálf heilsuna að ég áttaði mig almennilega á því hvað það skiptir ótrúlega miklu máli að vinna með alla þessa þætti saman til þess að eiga möguleika á að ná heilsunni aftur til baka. Mín veikindi hafa gert mig að manneskjunni og meðferðaraðilanum sem ég er í dag.
Ég stofnaði Endurheimt og þróaði námskeiðið Endurheimtu orkuna með þá von að getað hvatt aðra og leiðbeint í átt að bættri heilsu.
Ég útskrifaðist sem sjúkraþjálfari árið 2008 og á undanförnum árum hef ég sótt fjöldann allan af námskeiðum og ráðstefnum um allan heim. Nú stunda ég diploma nám í Functional Medicine e við Functional Medicine University í Bandaríkjunum. Í því námi er einmitt lögð áhersla á að hjálpa fólki að finna rót vandans og vinna að heildrænni meðferð í átt að bættri heilsu.
Sagan mín
Ég er tveggja barna móðir og bý í Hafnarfirði með manninum mínum. Ég hef alla tíð haft brennandi áhuga á öllu sem viðkemur heilsu og matarræði. Ég æfði mikið sem barn, allskonar íþróttir og var alltaf ágæt í öllu en entist aldrei í neinu einu – sem í rauninni skiptir ekki máli því fyrir mig er hreyfing lífið en áherslan var aldrei að verða afrekskona í einhverri einni íþrótt.
Ég hef alltaf haft þörf á að vinna með fólki, mér finnst gaman að tala við fólk og hlusta og fólk hefur alltaf leitað til mín með sín vandamál. 2002 lærði ég einkaþjáfarann og fannst frábært að getað hjálpað fólki að ná sínum markmiðum en ég fann það fljótt að mig þyrsti í meiri þekkingu um mannslíkamann og skráði mig í nám í sjúkraþjálfun. Þegar ég hafði starfað sem sjúkraþjálfari í nokkra mánuði fann ég að þetta var ekki alveg það sem ég hafði haft í huga – mér fannst vanta heildrænni nálgun í meðferðina. Stuttu eftir útskrift var ég strax farin að vinna hálfgerða “færibanda” vinnu og mér líkaði það ekki.
Ég var svoldið leitandi, lærði heilun, dáleiðslu og Höfuðbeina og spjaldhryggjarmeðferð. Ég fann það strax að þar var ég komin inn á línu sem ég gat sætt mig við að vinna með – heildræn nálgun þar sem horft er á líkama og sál sem eina heild.
Ég vann í mörg ár samhvæmt þessari nágun og líkaði vel en þegar ég sjálf missti heilsuna 2014 þá fór ég að lesa mér enþá meira til um hvað matarræðið og afeitrun líkamans hefur gríðarlega mikið að segja til þess að ná heilsunni aftur í gott horf. Ég fór að horfa meira til þátta í umhverfinu sem hafa áhrif á heilsuna, hvað ber að varast og hvað við getum sjálf gert til að hafa jákvæð áhrif á heilsuna okkar. Ég hef loksins fundið nám sem tekur á öllum þessum þáttum og kallast það Functional Medicine.
Functional Medicine meðferðaraðili hjálpar fólki að finna mögulega rót vandans en ekki plástra á einkennin. Ef við finnum út hvað er að valda breytingum á t.d hormónakerfinu, hvað er að valda exeminu eða heilaþokunni þá fyrst er hægt að laga orsökina og losna við einkennin.
Ég hef ótrúlega gaman að því að læra meira og meira um okkar frábæra líkama og hvernig öll kerfin okkar vinna saman. Ef eitt kerfi vinnur ekki rétt þá hefur það áhrif á allan líkamann. Við getum hugsað þetta eins og mörg tannhjól sem vinna saman – ef eitt bilar þá hætta hin tannhjólin að virka líka.
Ég er ótrúlega spennt og þakklát fyrir vinnuna mína og get í einlagni sagt að ég er heppin að vinna við mitt helsta áhugamál.
ENDURHEIMT eftir umhverfisveikindi
Þráir þú meiri orku og bættan líðan – en veist ekki hvar þú átt að byrja?
Hefur þú unnið eða búið í rakaskemmdu og mygluðu húsnæði?
- Ert þú að glíma við heilsubrest eftir viðveruna?
- Færðu ekki hlustun eða skilning frá þínum nánustu/vinnuveitanda eða lækni?
- Vilt þú fá ráðleggingar, valdeflingu og ráð til að endurheimta orkuna þína aftur?
Við vitum að það getur verið erfitt að taka fyrsta skrefið. Markmið okkar er að styðja þig í að endurheimta heilsuna, orkuna og jafnvægið.
Yfir 4 vikna tímabil hittumst við vikulega annaðhvort í sal Endurheimtar eða á Zoom. Linda Gunnarsdóttir sjúkraþjálfari er með fræðsluerindi í hverjum tíma og sett er upp markmið fyrir komandi viku. Linda leiðir hópinn skref fyrir skref með einstaklings miðaðri nálgun.
Skráning er hafin á næstu námskeið, val er á milli þess að vera á staðarnámskeiði eða í fjarnámskeiði í gegnum ZOOM.
Staðarnámskeið hefst 15 ágúst og verður haldið í sal Endurheimtar og er kennt undir leiðsögn Lindu sjúkraþjálfara
klukkan 13:00-14:00
15 ágúst
22 ágúst
29 ágúst
5 september
ZOOM námskeið hefst 11 ágúst er kennt undir leiðsögn Lindu sjúkraþjálfara.
11 ágúst
18 ágúst
25 ágúst
1 september
Samhliða því að hittast í Endurheimt eða á ZOOM þá færð þú aðgang að skref fyrir skref stuðningi á appi (einnig hægt að skoða í tölvu) þar sem lögð er áhersla á að veita þér stuðning, fræðslu, valdeflingu og kenndar eru leiðir til að róa taugakerfið.
Kosturinn við það að fá aðgang að öllu efninu á appi (eða tölvu) er að þá getur þú horft á efnið á þínum hraða og nákvamlega þegar þér hentar ef þú hefur ekki tök á að vera með í hóptímunum.
Eftirfarandi er innifalið í námskeiðinu:
- Fjórir hóptímar (á staðnum eða á Zoom)
- Aðgangur að netnámskeið/appi með ítarefni, fræðslu og tólum til valdeflingar sem þú getur farið í gegnum á eigin hraða, fræðsla um umhverfisveikindi, leiðir til að auka streituþol, meltingar og næringar upplýsingar, uppskriftarbók, bætiefnaráðgjöf og skref fyrir skref ráðleggingar til að auka orku, róa taugakerfið og stuðla að valdeflingu. Leiddar hugleiðslur, markmiðasetning, vagus æfingar og fleira.
- 25% afsláttur af bætiefnum sem mælt er með frá Heilsubarnum (athugaðu að bætiefnin eru ekki innifalin í námskeiðisgjaldi).
- Aðgangur að Facebook hóp þar sem sett er inn regluleg fræðsla og stuðningur. Einnig er hægt að nýta hópinn fyrir spurningar.
Leiðbeinendur á námskeiðinu eru:
Linda Gunnarsdóttir sjúkraþjálfari mun halda utan um hópinn og stýra fræðslunni á appinu og í lokaða Facebook hópinum. Linda veiktist sjálf eftir viðveru í rakaskemmdu húsnæði og hefur sjálf fundið leið til bættrar heilsu og miðlar nú áfram þekkingu sinni. Linda hefur sl 22 ár unnið að því að efla heilsu fólks og hefur tekið námskeið í tengslum við meðferð eftir umhverfisveikindi. Linda stofnaði Endurheimt Heilsumiðstöð árið 2021 í umhverfisvottuðu húsnæði þar sem hún starfar sem sjúkraþjálfari og veitir heildræna nálgun í sinni meðhöndlun.
Guðfinna Halldórsdóttir heilbrigðisverkfæðingur og eigandi Heilsubarsins. Guðfinna hefur alla tíð haft áhuga á heilsu og eftir að hafa sjálf veikst vegna viðveru í rakaskemmdu húsnæði og náð bata þá hefur hennar vinna sl ár snúið að því að efla heilsu Íslendinga með góðum heilsuvenjum og hágæða bætiefnum. Guðfinna hefur einnig sótt námskeið í tengslum við meðferð eftir umhverfisveikindi. Guðfinna hefur sett saman bætiefnaráðgjöf sem getur nýst í bataferlinu.
Una Emilsdóttir læknir, sérnámsklæknir í Atvinnu og Umhverfislæknisfræði hefur alla tíð haft mikinn áhuga á hvernig við getum haft áhrif á heilsu okkar með lifnaðarháttum. Una veitir þátttakendum innsýn í sýna vitnesku.
Staðarnámskeið fer fram í Endurheimt Heilsumiðstöð sem er fyrsta og eina heilsumiðstöðin á Íslandi sem er staðsett í umhverfisvottuðu húsnæði. Við erum meðvituð um umhverfið okkar og er efnanotkun takmörkuð á staðnum og biðjum við þátttakendur að mæta ilmefnalausir (ekki með ilmvatn, krem, svitalyktaeyði, lykt frá þvottaefni eða mýkingarefni osfrv.).
Nánar um fræðsluna:
VIKA 1: Mygla – Umhverfisveikindi – Einkenni – Taugakerfið – Streitulosun – Endurheimt
VIKA 2: Svefnvenjur – Vagus æfingar – Þrautseigja – Bætiefni
VIKA 3: Meltingin – Mataræði – Uppskriftabók
VIKA 4: Umhverfisþættir sem hafa áhrif á heilsuna – Valdefling
Ítarefni í appinu/netnámskeiði
- Leiddar hugleiðslur og öndunaræfingar (hljóðupptökur)
- Þrif eftir myglu
- Heimilið, þinn griðarstaður – hvað þarf að skoða í hverju rými á heimilinu
- Heima vagus æfingar til að róa taugakerfið (myndbandsupptaka)
- Stuttar heimaæfingar undir leiðsögn Lindu sjúkraþjálfara (myndbandsupptökur)
- Upplýsingar um bætiefni sem styðja við ferlið (pdf)
- Markmiðasetning í hverri viku þar sem innleiddar eru góðar heilsuvenjur án öfga.
Ekki bíða með að fá heilsuna þína til baka – skráðu þig strax í dag!
Þátttöku/staðfestingargjald: 9.900 kr
Með því að greiða þátttöku/staðfestingargjald tryggir þú þér pláss á námskeiðinu og færð ótakmarkað aðgang að infra rauðum klefa á meðan námskeiðinu stendur. Fyrir hvern hóptíma (staðartíma og Zoom tíma er notuð beiðni í sjúkraþjálfun (hóptímagjaldliður), vinsamlega kynntu þér greiðsluþáttöku hér. Það gjald er greitt í lok tímabils (ef eitthvað er).
Athugaðu að flest stéttarfélög endurgreiða þátttökugjald.
