Verðskrá

Greiðsluþátttaka einstaklings fer eftir stöðu hans í byrjun mánaðar og það sem greitt er fyrir heilbrigðisþjónustu með tillit til greiðsluþáttöku Sjúkratrygginga Íslands. Ef þessar samanlögðu greiðslur eru lægri en 35.824 kr. (23.884 kr. fyrir lífeyrisþega og börn) tekur einstaklingurinn þátt í kostnaðinum þar til þeirri fjárhæð er náð.

Þetta þýðir að einstaklingar, aðrir en lífeyrisþegar og börn, greiða aldrei hærra gjald en 35.824 kr. í mánuði. Þegar þeirri hámarksgreiðslu er náð greiða þeir allt að 5.971 kr. á mánuði að jafnaði. Lífeyrisþegar greiða aldrei hærra gjald en 23.884 kr. í mánuði. Þegar þeirri hámarksgreiðslu er náð greiða þeir allt að 3.981 kr. á mánuði að jafnaði.

Ef einstaklingur nýtir ekki heilbrigðisþjónustu næstu mánuði þá safnast mánaðarlega gjaldið upp og bætist við næstu greiðslu. Áunnin réttindi einstaklinga fyrnast ekki við áramót. Greiðsluþátttaka einstaklinga er reiknuð í gagnagrunni sem Sjúkratryggingar Íslands starfrækja. Einnig er hægt að skoða eigin stöðu hjá Sjúkratryggingum Íslands inni á https://innskra.island.is