Verðskrá

Gjaldskrá – skilmálar.

Sjúkraþjálfarar í Endurheimt Heilsumiðstöð starfa á samningi við Sjúkratryggingar Íslands (SÍ) og er greiðsluþátttaka fólks samkvæmt greiðsluþátttökukerfi SÍ. Sjúkraþjálfarar sjá um innheimtu á gjaldinu fyrir viðskiptavini sína.

Heimilt er að koma 6 skipti í sjúkraþjálfun án þess að hafa beiðni frá lækni. Eftir þessi sex skipti er þörf á að koma með beiðni ef SÍ á að niðurgreiða kostnað. Með læknisbeiðni fá einstaklingar 15 skipti á 12 mánaða tímabili. Undirskrift viðkomandi er nauðsynleg við hverja komu til að hægt sé að innheimta greiðslur frá SÍ.

Vinsamlegast greiðið fyrir hvern meðferðartíma, nema um annað sé samið við viðkomandi sjúkraþjálfara.

Flest stéttarfélög niðurgreiða kostnað vegna sjúkraþjálfunar. Við hvetjum fólk til að kanna rétt sinn. Einnig ef um slysamál er að ræða, að hafa samband við tryggingafélagið. 

Greiðsluþátttaka einstaklings fer eftir stöðu viðkomandi í byrjun mánaðar og það sem greitt er fyrir heilbrigðisþjónustu með tilliti til greiðsluþátttöku SÍ. Ef þessar samanlögðu greiðslur eru lægri en 35.824 kr. (23.884 kr. fyrir lífeyrisþega og börn) tekur einstaklingurinn þátt í kostnaðinum þar til þeirri fjárhæð er náð. 

Einstaklingar, aðrir en lífeyrisþegar og börn, greiða því aldrei hærra gjald en 35.824 kr. í mánuði. Þegar þeirri hámarksgreiðslu er náð greiða þeir allt að 5.971 kr. á mánuði að jafnaði. Lífeyrisþegar greiða aldrei hærra gjald en 23.884 kr. í mánuði. Þegar þeirri hámarksgreiðslu er náð greiða þeir allt að 3.981 kr. á mánuði að jafnaði.

Ef einstaklingur nýtir ekki heilbrigðisþjónustu næstu mánuði þá safnast mánaðarlega gjaldið upp og bætist við næstu greiðslu. Áunnin réttindi einstaklinga fyrnast ekki við áramót. Greiðsluþátttaka einstaklinga er reiknuð í gagnagrunni SÍ. Hægt að skoða eigin stöðu hjá SÍ inni á https://innskra.island.is