Þjónusta

Sjúkraþjálfarar okkar eru reynslu miklir og hafa allir sérþekkingu á sínu sviði, við vinnum saman sem teymi þegar þörf þykir til að tryggja að þú fáir sem bestu nálgun og þjónustu. Við hjálpum þér að auka lífsgæði, bæði líkamlega og andlega.

Við bjóðum upp á fjölbreytt úrval af hóptímum sem allir eru kenndir undir leiðsögn sjúkraþjálfara. Hóptímar eru niðurgreiddir af Sjúkratryggingum Íslands.

Við erum ekki með starfsmann í afgreiðslunni hjá okkur en ritaraþjónusta fyrir okkur er staðsett upp á Akranesi. Þau gera sitt allra besta að veita upplýsingar um hóptímana, ekki hika við að hafa samband beint við okkur á netfangið endurheimt@endurheimt.is til að fá ýtarlegri upplýsingar.

Linda Gunnarsdóttir sjúkraþjálfari heldur utan um endurhæfingu eftir umhverfisveikindi.

Sigrún Baldurdóttir sjúkraþjálfari mun sjá um móttöku barna og ungmenna, 18 ára og yngri, sem glíma við verki og vanlíðan og/eða eru með skerta líkamlega getur samanborið við jafnaldra sína.

Móttaka fyrir verkja- og vefjagigtarfólk og fólk sem glímir við alls konar óútskýrð einkenni (Disregulation Spectrum Syndrome).

Sérstök áhersla er á hugmyndafræði lífsstílslækninga (e. lifestyle medicine) sem byggir á vísindalegum grunni og gagnreyndum aðferðum til að fyrirbyggja, bæta meðferð og jafnvel snúa við lífsstílstengdum sjúkdómum.

Við hjá Endurheimt bjóðum upp á fyrirtækjaþjónustu fyrir þinn vinnustað. Með aukinni streitu og hraða í samfélaginu viljum við leggja okkar að mörkum og kennum við valdeflandi leiðir til þess að minnka streitu í daglegu lífi, sem auka jafnframt starfsánægu og starfsgetu.

Í Endurheimt bjóðum við upp á úrval tækja sem styðja við endurhæfingu, endurheimt og almenna vellíðan.
Tækin eru valin með það að markmiði að örva blóðflæði, sogæðakerfi og frumustarfsemi líkamans – og stuðla þannig að hraðari bata, minni verkjum og betri orku.