Mygla getur verið stórt vandamál á heimilum, sérstaklega þegar hún hefur tækifæri til að vaxa og fjölga sér í rökum aðstæðum. Mikilvægt er að hreinsa myglu reglulega og viðhalda þurru umhverfi til að koma í veg fyrir útbreiðslu hennar. Hér eru ráðleggingar fyrir þrif í mismunandi rýmum heima hjá þér, með sérstakri áherslu á myglu, og hvernig Oxivir getur hjálpað til við að lama myglugróin.

1. Svefnherbergi – þinn griðarstaður

Gerðu svefnherbergið að þínum griðarstað, fjarlægðu allt út úr herberginu sem þarf ekki að vera þar inni.  Settu mikla áherslu á að halda þessu herbergi tandurhreinu til að hámarka þína endurheimt.

  • Fylgstu með raka: Mygla þrífst í rökum aðstæðum. Tryggðu að svefnherbergið sé ekki of rakt, sérstaklega í skápum og við glugga.
  • Góð loftræsting: Loftaðu reglulega og notaðu loftræstikerfi ef það er til staðar.
  • Oxivir til þrifa: Hreinsaðu reglulega veggi, glugga og gólf með Oxivir. Oxivir inniheldur virka efni sem lama myglugróin og kemur í veg fyrir að þau dreifist. Það getur verið sérstaklega gagnlegt í svefnherbergjum þar sem svefn er í forgangi og mygla getur haft áhrif á öndun og heilsu.

2. Eldhús – Matreiðsla og raki

Eldhúsið er eitt af þeim rýmum þar sem við erum sífellt að meðhöndla mat og notum mikið vatn. Rakastig getur auðveldlega orðið hátt, sem gerir eldhúsið viðkvæmt fyrir mygluvexti.

  • Vaskur: Hreinsaðu reglulega kringum vaskinn, niðurfall og kíktu reglulega inn í vaskaskáp til að athuga hvort ummerki séu eftir raka.
  • Loftræsting: Notaðu viftu eða loftræstikerfi þegar þú eldar eðavið uppvask til að halda rakastiginu niðri.
  • Ísskápur: Tæmdu reglulega matvæli úr ísskáp sem gætu verið farin að mygla. Ef þú verður var við myglu þá er gott að þrífa með Oxivir.

3. Þvottaherbergi

Þvottaherbergið er eitt af þeim rýmum sem eru sérstaklega viðkvæmt fyrir myglu vegna mikils raka sem myndast við þvott og þurrkun. Þetta er einnig staður þar sem loftræsting er mikilvæg til að viðhalda þurru umhverfi.

  • Góð loftræsting: Notaðu loftræstikerfi eða opna glugga meðan þú ert að þvo þvott, og leyfðu lofti að streyma um rýmið.
  • Vatns inntak: Taktu reglulega eftir þeim stöðum þar sem vatn getur lekið – t.d. við rör og við vask.
  • Oxivir til þrifa: Þvoðu alla veggi og gólf reglulega með Oxivir. Oxivir hefur áhrif á myglugró og hjálpar til við að draga úr dreifingu þeirra í lofti og á öðrum yfirborðum.

4. Aðrar ráðleggingar – Almennt viðhald

  • Regluleg loftræsting: Loftaðu öll rými reglulega, sérstaklega á veturna þegar rakastig getur aukist innandyra.
  • Forðastu langvarandi raka: Þurrkaðu strax upp vatn, svo sem við glugga eða í kringum húsgögn. Ef þú sérð myglu, hreinsaðu hana strax og gerðu viðeigandi ráðstafanir.

Oxivir er áhrifarík lausn til að hjálpa við að þrífa myglu og tryggja hreint og heilbrigt heimili. Það hamlar myglugróum. Með reglulegum þrifum, loftræstingu og viðhaldi geturðu haldið mygluvexti í skefjum og skapað heilbrigt og þægilegt umhverfi.