Sjúkraþjálfarar stuðla að auknum lífsgæðum fólks með því að huga að líkamlegri, huglægri, tilfinningalegri og félagslegri vellíðan. Þeir starfa innan heilbrigðisgeirans við heilsueflingu, forvarnir, meðferð, þjálfun og endurhæfingu.Ég legg mikla áherslu á að hugað sé að mörgum þáttum þegar kemur að því að bæta líkamlega og andlega heilsu.

 

Meðferðin

Í fyrsta tímanum okkar saman þá tek ég greinargóða heilsufarssögu, við kynnumst betur og þú segir mér frá þínum markmiðum og hindrunum. Tíminn er 55 mín.

Þegar ég hef tekið ýtarlega sögu þá set ég upp meðferðaráætlun fyrir þig, ég legg mikla áherslu á fyrirbyggjandi meðferð og fræðslu.

Til þess að tryggja að þú náir sem bestum árangri í þinni meðferð þá set ég þér fyrir lítil verkefni sem þú innleiðir inn í líf þitt á milli þess sem við hittumst.
Ég set upp einstakling miðaða æfingaráætlun og saman hugum við að bættum venjum varðandi matarræðið, svefninn og fleiri atriði sem skipta máli þegar heilsan er sett í fyrsta sætið.

Miðað er við að við hittumst á tveggja vikna fresti í 25-55 mín (getur verið oftar eða sjaldnar). Í þeim tímum gefst tækifæri á að skoða og innleiða fleiri þætti sem stuðla að bættri heilsu, fara yfir atriði sem hafa betur má fara. Markmiðið er að gera jákvæðar breytingar og setja inn góðar venjur sem stuðla að aukinni orku, minni verkjum og bættri almennri heilsu.

Ef eitt eða fleiri atriðið eiga við þig þá þá ert þú á réttum stað því ég get leiðbeint þér og stutt skref fyrir skref með að endurheimta kraftinn þinn og orku á einfaldann máta. 

  • Ertu þreklaus?
  • Langar þig að koma þér af stað í hreyfingu en veist ekki hvernig?
  • Ertu með stoðkerfisverki?
  • Ertu með meltingarvandamál?
  • Viltu aðstoð við að breyta um lífsstíl?
  • Viltu læra hvernig þú getur minnkað bólgur í líkamanum með breyttu matarræði?
  • Hefuru lent í umhverfisveikindum og vantar aðstoð með að afeitra líkamann þinn?

 

Meðferðin fer fram í formi ráðgjafar og fræðslu og því er engin bekkjarmeðferð í boði.

Sjúkraþjálfun er niðurgreidd af Tryggingarstofnun og flest stéttarfélög taka einnig þátt í kostnaði.