Árni Kristjánsson

Yoga Nidra

,,Það er mikilvægt að gefa sjálfum sér tíma reglulega til að slaka á. Ég vil bjóða þér að njóta Yoga Nidra á stað þar sem þér líður vel og þar sem þú getur komið þér vel fyrir. Yoga Nidra er djúpslökun sem ég leiði og þú fylgir eftir þínum hentugleikum. Þessi stund er fyrir þig.” 

Einfaldasta útskýringin á orðinu yoga er ‘sameining huga og líkama’. 

Yoga Nidra er djúpslökunaraðferð sem gengur út á að þjálfa með sér hæfileikann til að hvílast með fullri meðvitund. Yoga nidra er leidd hugleiðsla – jógískur svefn og áreynsluslaus slökun. Kennari leiðir stundina á meðan við liggjum og njótum. Á meðan stundin varir lærum við að draga athygli okkar inn á við, og flæða á milli svefns og vöku, þar sem líkami okkar finnur sína náttúrulegu leið til heilunar og jafnvægis. 

Í nútímasamfélagi er endurnærandi hvíld ekki sjálfsögð og oft fylgir mikil streita hversdeginum. Flest höfum við lesið eða heyrt um varnarviðbrögðin ‘að hrökkva, stökkva eða frjósa’. Þetta eru frummannleg viðbrögð sem við grípum til þegar við þurfum að bregðast við hættu eða streitu. 

Ef streitan nær ákveðnu hámarki umhverfis okkur, og mögulega líka innra með okkur, festumst við í þessum varnarviðbrögðum og náum ekki endurnærandi hvíld. Jafnframt náum við ekki að dvelja í núvitund. Þegar okkur skortir hvíld og núvitund sljóvgast dómgreindin og þar með verður líklegra að við túlkum fleira í umhverfi okkar sem streituvaldandi og ástandið margfaldast. Streita kallar á meiri streitu og ástandið getur orðið langvarandi og krónískt. Þetta getur haft slæm áhrif á aðra þætti heilsunnar, og geta samverkandi þættir og getuleysi líkamans til að vinna úr áreiti ýtt undir ákveðin snjóboltaáhrif. Eins getur síendurtekin bráðastreita eða skyndisleg áföll ýtt taugakerfinu okkar yfir brúnina, og lengt og skert leiðir líkama og hugar til endurheimtar. 

Ef þú átt erfitt með að ná hugarró, eða átt það til að vakna óendurnærð/ur, eru miklar líkur á að þú náir ekki að brjótast úr vítahringnum án aðstoðar. Ástæðan fyrir að Yoga Nidra hefur notið mikilla vinsælda á síðustu árum er vegna gagnsemi aðferðarinnar og hversu einföld hún er. Regluleg ástundun á yoga nidra er talin hjálpa til við endurnýjun fruma og eykur blóðflæði, sem og róar huga og leyfir vöðvum og stoðkerfi að slaka á. Einnig getur ástundun bætt úr svefnvandamálum, aukið sjálfsmat, hjálpað til við að minnka kvíða, þunglyndi eða orkuleysi.

Eftir námskeiðið hafa þátttakendur aukið færni sína í djúpri slökun og núvitund, öðlast tól til að takast á við daglega streitu, álag og áreiti, og styrkja öndun, taugakerfi og hormónakerfi. Allt hjálpar ofangreint við að takast á við hvers konar áskoranir, hvort sem er lágskammtaáreiti eða langvarandi krónísk veikindi, eða enn alvarlegri kvilla, síendurtekin áföll eða sjúkdóma.

Tímarnir fara fram í gegnum netið tvisvar í viku með sameiginlegri heimaiðkun – á stað þar sem þér líður best, eða þar sem þú telur þig þurfa rými til hvíldar (td í hádegispásu í vinnunni, eða út í bíl fyrir búðarferð, osfrv). Með námskeiðinu fá þátttakendur einnig vikulegan aðgang að hljóðupptökum með leiddri slökun til að æfa iðkun á sínum eigin forsendum, á sínum eigin tíma og eins oft og þeim lystir. 

Námskeiðið miðar að því að innleiða aðferðir Yoga Nidra inn í hversdag þátttakenda. Þess vegna munum við skoða heildrænt hvað stuðlar að betri hvíld innra með okkur, bæði sameiginlega en einnig á okkar eigin forsendum, í okkar nær- og heimaumhverfi. Við lærum að setja líkamann og hugann í langþráða hvíld og ná endurheimt, í gegnum þá slökun sem þarf fyrir líkamann til að núllstilla sig, jafnvel umkringd þeim áskorunum og því áreiti sem við tökumst á við daglega.

Námskeiðið hentar byrjendum sem aldrei hafa stundað Yoga Nidra áður, en einnig þeim sem eru vanari aðferðinni. Engin krafa er gerð á að vera í góðu líkamlegu formi en æskilegt að mæta þó í þægilegum fötum og þátttakendur beðnir um að mæta ekki með ilmefni.

Árni Kristjánsson er leikstjóri og Yoga nidra kennari. Hann hefur leiðbeint og kennt leiklist, tjáningu, skapandi skrif og listræna framsetningu til fjölda ára, jafnt fulloðnum sem börnum. Hann hefur einnig skrifað töluvert og leikstýrt fyrir svið. Árni er ungliða- og aðgerðarstjóri við Íslandsdeild Amnesty International, meðfram kennslu og föðurhlutverkinu, en hann á tvö börn, Ylfing 4 ára og Vordísi 1 árs.

Sumarið 2020 lauk Árni Yoga Nidra kennaranámi hjá hinum virta Matsyendra Saraswati, og haustið eftir stofnaði hann Yoga nidra heimaástundum fyrir bæði fullorðna og börn, Yoga Nidra Heima. 

https://www.facebook.com/yoganidraheima

 Prufutími Yoga Nidra Heima : https://www.youtube.com/watch?v=v8HcsdcbJ_I&t=4s 

 

Menntun

2021 Verkefnastjórnun og leiðtogafærni, Endurmenntun HÍ
2020 Yoga Nidra kennaranámskeið hjá Matsyendra Saraswati
2016 MA í Leikstjórn frá Bristol Old Vic
2009 Almenn kennsluréttindi frá Háskóla Íslands
2008 BA í Fræði og framkvæmd frá Listaháskóla Íslands

Forsíða
Um okkur
Liðsheildin
Sjúkraþjálfun
Meltingar- og næringarráðgjöf
Heilsufarsmælingar
Markþjálfun
Fræðsla
Námskeið
Umhverfisveikindi - Mygla - Efnaóþol
Hafa samband

Lyngháls 4                          (gengið inn bakatil)                  110 Reykjavík                          Sími: 565-5500 endurheimt@endurheimt.is

9:00-13:00 afgreiðslan opin 8:00–16:00 símsvörun